Урин дулаан цаг болж, сурагчдын улирлын амралт эхэлсэнтэй холбоотойгоор хүүхэд багачууд нохойд хазуулах тохиолдол нэмэгдэх хандлагатай байна.

2024 оны байдлаар улсын хэмжээнд нийт 4610 хүн нохойд хазуулж гэмтсэн бөгөөд үүний 77.2 хувь буюу 3558 нь нийслэлд бүртгэгджээ. Нохойд хазуулсан шалтгаант өвчлөлийн 46.4 хувийг 0-19 насны хүүхдүүд эзэлж байгаа бөгөөд тэр дундаа 5-9 насныхан хамгийн өндөр хувийг бүрдүүлж байна.

Сэрэмжлүүлэг, зөвлөмж:

• Нохойны хүзүү, сүүлнээс татахгүй байхыг хүүхдэд зөвлөх

• Уяатай болон эзэнгүй нохойд хүрэхгүй байх

• Гудамж, талбайд болгоомжтой явах

• Нохойтой айлд орохдоо уяатай болон хошуувчтай эсэхийг асуух

• Олон тооны нохдоос холуур явах

• Нохой дайрсан үед газарт суух, зугтаж гүйхгүйгээр биеэ хамгаалах

• Нохойтой айлууд хашааны нохдыг уях, гадуур сул тавьж явуулахгүй байх

• Гадуур нохойтой явахдаа хошуувч, хүзүүвчтэй, хөтөлж явах

• Бага насны хүүхдийг нохойтой хамт орхихгүй байх (сургасан байсан ч санаандгүй тохиолдлоор хазах магадлалтай)

• Хоолоо идэж байгаа болон унтаж байгаа нохойг тайван байлгах талаар хүүхдэд сануулах

Хазуулсан тохиолдолд:

• Эмнэлгийн байгууллагад яаралтай хандах, вакцины тунд хамрагдах

• Хазуулсан газраас их хэмжээний цус гарсан тохиолдолд шархыг цэвэр даавуу эсвэл зориулалтын боолтоор боож, яаралтай арга хэмжээ авах

• Халдвар авахаас сэргийлэхийн тулд шархыг тогтмол цэвэрлэж, ариун боолтоор боох

Иргэдийг нохойтой зөв харьцах, бага насны хүүхдүүдээ болзошгүй эрсдэлээс хамгаалахыг холбогдох байгууллагуудаас анхааруулж байна.