Ухань хот дүүжин метрог 2023 онд ашиглаж эхэлжээ  Тус метроны зам нь дээрээ байрладаг тул “Дүүжин метро” гэж нэрлэсэн байна.

Энэхүү метро нь 39 суудалтай, зогсож явах зорчигчийн нийт тоо 200 орчим, 6 зогсоолтой, 24 метр урттай, 2.25 метрийн өргөнтэй бөгөөд 60 км цагийн хурдаар 10.5 км замыг жолоочгүй автомат удирдлагын шийдлээр туулдаг. Зорчигчийн кабины шал нь орчноо нэвт харахад зориулж шилээр хийгдсэн тул шууд метроны доод газрыг дээрээс нь харах боломжтой.

Метрог хотын нийтийн тээврийн хүртээмжийг нэмэгдүүлэх, гадаад, дотоодын аялагчдад хотын өнгө үзэмж, сонин сайхныг харуулах зорилгоор жуулчдын хэрэгцээнд зориулан бүтээсэн бөгөөд энэ нь Хятад Улсын хэмжээнд хамгийн анхных гэдгээрээ онцлог юм.

Дүүжин метро нь цас, бороотой үед метро хэвийн горимоор ажиллах бөгөөд салхины хурд нэмэгдэх үед автомат мэдрэгч нь ажиллаж метро өөрөө хурдаа багасгадаг бол 20 метр/секунтаас дээш хурдаар салхилах үед зогсоодог байна.

Метроны зогсоолуудын дизайныг шийдэхдээ эртний хятадын барилгын уламжлалт хийцийг орчин үеийн өнгө төрхтэй хослуулан бүтээжээ.