*Инээмсэглэл бол хүн төрөлхтний хамгийн их хэрэглэдэг нүүрний хувирлуудын нэг бөгөөд эрдэмтэн Пол Экманы олж мэдсэнээр та бид 18-19 янзаар инээмсэглэдэг байна.

*Инээмсэглэхэд “эндорфин” буюу аз жаргалын гормон болон “серотонин” хэмээх стресснээс ангижруулах бодисууд ялгардаг. Эдгээр нь сэтгэл санааг тайвшруулж, эрч хүчийг өгдөг байна.

*Инээмсэглэл биеийн дархлааг сэргээж, цусны даралтыг бууруулах шидтэй төдийгүй ханиаднаас сэргийлэхэд нэн тустай ажээ.

*Инээмсэглэлийн тухай судалдаг шинжлэх ухааныг “Житоложи” гэдэг. Энэ нь хүн инээснээр сэтгэл зүй болоод бие махбодид ямар харилцан нөлөөлөл үзүүлэхийг судалдаг ажээ.

*Бяцхан хүүхдүүд хамгийн аз жаргалтай улс. Тэд өдөрт 400 удаа инээдэг байна.

*Иллинойсын их сургуулийн эрдэмтдийн явуулсан судалгаагаар инээд хөөрөөр бялхсан эрч хүчтэй хүмүүс бусдаасаа 7-10 жилээр урт насалдгийг тогтоожээ.

*Амьтад ч гэсэн инээмсэглэдэг.

*Инээд хөөр нь эрүүл зөв аргаар жин хасахад нэн тустай. “Вандербилт” их сургуулийн судлаачдын үзэж байгаагаар инээх үед 20 калори илчлэгийг шатаадаг гэнэ.

*Аз жаргалыг илтгэх энэ бяцхан үйлдэл нь бүсгүй хүнийг мөнхийн гоо сайхан харагдуулах байгалийн шилдэг эм ажээ. Судалгаагаар нүүрээ энгэсгээр чимсэн эмэгтэйчүүдээс илүү инээмсэглэлээр гэрэлтсэн бүсгүйчүүд бусдаас илүү дур булаам харагддаг нь тогтоогджээ.

Бүгдээрээ энэ амралтын өдрүүдийг инээмсэглэж, эрч хүчтэй өнгөрүүлээрэй.