Тайландад болсон эмгэнэлт явдалтай холбоотойгоор Элчин сайд А.Төмөрийн аав Академич Ж.Амарсанаа манай сонинд мэдээлэл өглөө. Тэрбээр “ Та бүхний амгаланг айлтгая. Бидэнд тохиолдсон уй гашууг хуваалцаж байгаа дүү нар, танилууддаа талархал илэрхийльеээ. Би нэг зүйлийг онцгойлон хэлье гэж бодож байна. Манай бэр, миний охиноос ялгаагүй хүүхэд, миний хүүгийн эхнэр, гурван ачийн маань ээж өөд болж тэнгэрт халилаа. Золгүй явдал тохиолдсон гэж би хэлмээр байна. Хууль, шүүхийн байгууллага Тайландад энэхүү хэрэг явдлыг хянан шалгаж байгаа юм байна гэж би ойлгосон. Асуудал дуусаагүй байна. Үүний дараа асуудал чигтэй, баримжаатай, албан ёсны хууль зүйн шийдвэрүүд гарах байх гэж бодож байна. Одоо 49 хоног нь өнгөрөөгүй байхад бид янз бүрээр ярьж, ийш тийшээ хэлж, мэдэгдэл хийж хүмүүсийн толгойг эргүүлэх хэрэггүй гэж бодож байна. Гэхдээ зайлшгүй хэлэх зүйлс гарч ирсэн учраас би ярьж байгаа юм. Учир нь сүүлийн үед хэвлэлээр, фэйсбүүкээр буруутгасан янз бүрийн мэдээ, мэдээлэл гарч байна. Тэр нь дуу дуугаа авалцаад бие биедээ дамжуулаад, бүр шейр хийгээд өгөөрэй ч гэдэг юм уу байдлаар явж байгаад харамсаж байна. Тиймээс та бүхэн минь үүнд жаахан хүлээцтэй, тайван ойлгож байна уу гэж хэлэх гэсэн юм. Албан ёсны буюу шүүхийн, цагдаагийн, хуулийн шийдвэр гараагүй байхад хаврын бужигнаантай энэ цаг үед н и й г э м д и л ү ү н э р м э э с бол гох хэрэггүй баймаар байна. Манай бэрийн, мөн хүүгийн зургийг гаргаад тэр бүү хэл ач нарын маань зургийг хүртэл гаргаад яриа өрнүүлээд байгаад миний хувьд, эцэг хүний хувьд үнэхээр харамсаж байгаагаа хэлмээр байна. Тэр нялх хүүхдүүд юунд ч буруугүй шүү дээ. Миний зургийг ч гаргаж байгаа. Миний зураг бол яах вэ, гарч л байг. Иймд та бүхэн жаахан хүлээцтэй, хүн чанартай, анхааралтай байгаач ээ гэдгийг хүсье ээ” хэмээв.

 

Э.МӨНХ