Төв Ази-Монгол-Кавказ-Афганистан улсуудын 2025 оны бүс нутгийн хэлэлцүүлэг энэ оны зургадугаар сарын 19-ний Пүрэв гарагт 09:30 цагт Шангри-Ла зочид буудалд эхлэх бөгөөд энэ үеэр АНУ-ын Элчин сайд Ричард Буанган үг хэлэх юм. Сэтгүүлчид та бүхэн 09:15 цагт Шангри-Ла зочид буудлын их танхимд хүрэлцэн ирж сурвалжлага мэдээ бэлдэхийг хүсэж байна.

Энэ жилийн Төв Ази-Монгол-Кавказ-Афганистан улсуудын (Central Asia-Mongolia-Caucasus-Afghanistan буюу КAMКА) бүс нутгийн хэлэлцүүлэг нь Монгол улс, Төв Ази, Кавказын орнууд болон Афганистан Улсын манлайлагчид, мэргэжилтнүүдийг “Бүс нутгийн ирээдүйг төсөөлөх нь: КAMКA дахь бизнес, нийгэм, засаглал” сэдвийн дор нэгтгэх юм.

Төв Ази-Кавказын хүрээлэн (CACI), Рамсфельд сан, КAMКA сүлжээний хамтран зохион байгуулж буй энэхүү хэлэлцүүлэг нь зургадугаар сарын 19-ний Пүрэв гаригийн  өглөө 09:30 цагт Шангри-Ла зочид буудалд эхлэнэ.

2025 оны хэлэлцүүлгийн хөтөлбөрт хөрөнгө оруулалт ба эдийн засгийн тогтвортой байдал, геополитик ба ногоон санхүү, чухал ашигт малтмал ба хангамжийн сүлжээ, технологи ба инноваци зэрэг сэдвүүдийг хамрах бөгөөд АНУ, Афганистан Төв Азийн болон Кавказын улсүуд зэрэг 30 гаруй орноос 70-аад илтгэгчид оролцож, аялал жуулчлал, тээвэр, боловсрол, хэвлэл мэдээлэл, байгууллагын хөгжил зэргийг хэлэлцэх юм.

КAMКA бүс нутгийн хэлэлцүүлэг нь Төв Ази, Монгол, Кавказ, Афганистаны өсөн дэвжиж буй манлайлагчид болон мэргэжилтнүүдийн хоорондын яриа хэлэлцээ болон хамтын ажиллагааг дэмжих улс төрөөс ангид, нам бус талбар юм. Хэлэлцүүлэг нь бүс нутгийн хамтын шийдлүүдийг эрэлхийлж, бизнес, засаглал, иргэний нийгмийн салбарт хамтын ажиллагааг дэмжин ажилладаг.

Хаана: Шангри-Ла зочид буудлын их танхим

Хэзээ: 6-р сарын 19-ний Пүрэв гарагт 09:15 цагт

Юу: Төв Ази-Монгол-Кавказ-Афганистан улсуудын 2025 оны бүс нутгийн хэлэлцүүлгийн нээлт

Дэлгэрэнгүй мэдээлэл авахыг хүсвэл АНУ-ын Элчин сайдын яамны Олон нийттэй харилцах хэлтэстэй холбогдоно уу: paspress@usembassy.mn | +976 7007-6001