Есдүгээр сарын 3-ны өдрийн байдлаар Туул гол Заамар сум орчимд усны түвшин өмнөх өдрийнхөөс 7 см нэмэгдэж, олон жилийн дундаж түвшинг 10 см давсан байдалтай байна.

Өнөөдрийн байдлаар Улз гол Дашбалбар орчимд үерийн түвшинг 6 см, Эрээнцав орчимд үерийн аюултай түвшинг 22 см даван үерлэж байна.

Өнөөдөр баруун аймгуудын нутгийн баруун болон хойд, төвийн аймгуудын нутгийн баруун хэсгээр бороо, дуу цахилгаантай аадар бороо,орох тул хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх, сайр, гуу жалгаар уруйн үер буух нөхцөл бүрдэж болзошгүй тул иргэд үерийн аюултай бүсээс хол газар зусах, гол мөрөн, нуурын ойролцоо амарч зугаалахдаа ажиглалт хийж, уулын ам, голын эрэг хөвөөнөөс зайдуу, үерийн буулт бүхий газарт отоглож хоноглохгүй байх, зөвхөн зөвшөөрөгдсөн зам гүүрээр зорчихыг зөвлөж байна.