Нийслэлийн төвийн зургаан дүүрэгт байрладаг 17 хүнсний зах, худалдааны төвд худалдаалагдаж буй 36 нэр төрлийн хүнсний бараа бүтээгдэхүүний үнэ, 2025 оны аравдугаар сарын 06-ны өдрийн ажиглалт.

Махны дундаж үнэ

хонины ястай мах нэг килограмм нь дунджаар 16584 төгрөг, үхрийн ястай мах нэг килограмм нь дунджаар 20734 төгрөгийн үнэтэй тус тус худалдаалагдаж байна. Өмнөх долоо хоногтой харьцуулахад үхрийн ястай махны үнэ 0.5 хувиар буурч 20734 төгрөг, үхрийн цул махны үнэ 0.5 хувиар өсч 24188 төгрөгийн дундаж үнэтэй байна.

Гурилын үнэ

“Алтан тариа” нэрийн савласан нэг кг гурилын дундаж үнэ дээд зэрэг нь 3435 төгрөг, I зэрэг нь 2459төгрөг, II зэрэг нь 1377 төгрөг байна. Худалдан авагч ихээр үйлчлүүлдэг “Барс” худалдааны төвд “Алтан тариа” нэрийн савласан нэг кг гурилын дундаж үнэ дээд зэрэг нь 3200 төгрөг, I зэрэг нь 2400 төгрөг, II зэрэг нь 1500 төгрөгөөр тус тус худалдаалагдаж байна.

Хүнсний ногооны үнэ

Өмнөх долоо хоногтой харьцуулахад хүрэн манжин 2.1 хувиар буурч 3512 төгрөг, монгол лууван 1.4 хувиар буурч 2893 төгрөг, монгол байцай 3.1 хувиар өсч 3495 төгрөг, монгол төмс 0.8 хувиар буурч 2216 төгрөг, монгол сонгино 2.0 хувиар өсч 3935 төгрөгийн дундаж үнэтэй байна.