2025 оны 12-р сарын 16-ны 08 цагаас 12-р сарын 17-ны 08 цаг хүртлэх цаг агаарын тойм мэдээ

---

Цасны зузаан: Өнөө өглөөний 08 цагийн станц харуулуудын мэдээгээр нийт нутгийн 70 гаруй хувьд нь цасан бүрхүүл тогтсоноос хамгийн их нь Увсын Малчин, Сэлэнгийн Бугант, Баянгол, Орхон, Зэлтэрт 20.0-24.0 см, Завханы Цагаанхайрхан, Баянтэс, Тэс, Цагаанчулуут, Баянхайрхан, Булганы Хангал, Гурванбулаг, Сэлэнгийн Ерөө, Зүүнбүрэн, Хушаат, Дарханы Шарын-гол, Хонгор, Төв аймгийн Цээл, Баянчандманьд 16.0-19.0 см, бусад нутгаар 0.0-15.0 см цасан бүрхүүлтэй байна.

Хур тунадас: Өчигдөр өдөр Увс нуур болон Дархадын хотгор, Монгол-Алтайн уулархаг нутаг, Халх голын сав газраар 0.0-0.4 мм цас орсон байна. Бусад нутгаар цас ороогүй.

Агаарын хамгийн их температур: Өчигдөр өдөр Увс нуур болон Дархадын хотгор, Завхан, Заг-Байдраг голын эх, Идэр, Тэс, Эг, Үүр, Орхон, Ерөө голын хөндийгөөр -16…-21 градус, Хангай, Хөвсгөл, Хэнтийн уулархаг нутаг, Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар -10…-15 градус хүйтэн, Их нууруудын хотгор, Хангайн нурууны өвөр бэл, говийн бүс нутгийн өмнөд хэсэг, цас багатай энгэр ээвэр газраар -2…+4 градус дулаан, бусад нутгаар -3…-9 градус хүйтэн байв.

Агаарын хамгийн бага температур: Өнгөрсөн шөнө Увс нуур болон Дархадын хотгор, Завхан, Заг-Байдраг голын эх, Халх голын хөндийгөөр -25…-30 градус, Хөвсгөл, Хэнтийн уулархаг нутаг, Идэр, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндий, Дарьгангын тал нутгаар -19…-24 градус, Алтайн уулархаг нутаг, Их нууруудын хотгор, говийн бүс нутгийн өмнөд хэсэг, цас багатай энгэр ээвэр газраар -7…-12 градус, Алтайн өвөр говиор 0…-6 градус, бусад нутгаар -13…-18 градус хүйтэн хоносон байна.

Салхи: Өнгөрсөн хоногт ихэнх нутгаар баруунаас секундэд 3-8 метр, говь, талын нутгаар зарим үед секундэд 13-15 метр хүрч ширүүссэн байна.

Улаанбаатар хот орчмоор: Өнгөрсөн хоногт цас ороогүй. Салхи зүүн өмнөөс секундэд 1-6 метр. Өчигдөр өдөр -11…-13 градус, өнгөрсөн шөнө Яармаг-Сонгины орчмоор -24 градус, бусад хэсгээр -17…-18 градус хүйтэн хоносон байна.