“Guys” хамтлагийн дуучин Х.Бат-Ундралын санаачилсан хар тамхины эсрэг “Black Challenge”-д Монголын хип хоп холбоо нэгдэж буйгаа мэдэгдээд байна. Монголын хип хоп холбоо 2001 онд байгуулагдсан бөгөөд 20 гаруй хамтлаг тус холбооны гишүүн аж.

Хип хоп холбооны ерөнхийлөгч Ш.Батбаяр, “Сүүлийн үед залуус хар тамхины төрлийн мансууруулах бодис, эм хэрэглэх явдал ихэсч байгаа талаар судалгаа мэдээлэл бий. Хип хоп холбооны хэд хэдэн гишүүн, хамтлагийн дуучид хар тамхины хэрэгт холбогдож байсан түүх бий. Энэ бүхнийхээ өмнөөс залуус, ард түмнээсээ уучлалт хүсч байна. Бидэнд алдсан зүйл бий. Бидний алдааг битгий давтаасай гэсэндээ залууст энэ хар тахлын аюулыг анхааруулж, энэ зүйлийн эсрэг байгаасай гэж уриалж байна” гэв.

Энэхүү “Black Challenge” үйл ажиллагаа нь 2017 оныг дуустал үргэлжлэх бөгөөд залуус уран бүтээлээрээ дамжуулан хар тамхины эсрэг дуу хоолойгоо өргөхөө илэрхийлсэн юм.