Баяр наадмын зохион байгуулалт болон цаг үеийн асуудлаар ЦЕГ-аас мэдээлэл өглөө.

ЦЕГ-аас “Баяр наадмын үйл ажиллагаатай холбоотойгоор төв цэнгэлдэх хүрээлэн болон Хүй долоон худагт цагдаагийн байгууллагаас хамгаалалт, зохицуулалт зохион байгуулж байна. Төв цэнгэлдэх хүрээлэн нь 10.755 хүний суудалтай, 18 хаалгатай бөгөөд ойр орчимд нь А, ДК, Ж, Ү, Г гэсэн ангилал бүхий 6550 автомашины зогсоол, 240 орчим худалдаа үйлчилгээний цэг байгуулагдана. 12.000-18.000 иргэний тойрох хөдөлгөөн хийгдэж, их ачааллын үедээ 20.000 орчим хүн цугларч, баяр наадам үздэг.

Хүй долоон худагт мөн А, Д, Ж, Ү, Г, М гэсэн ангилал бүхий 11.500 автомашин байрлуулах зогсоол, “Соёлын тойрог”, “Үйлчилгээний тойрог” орчимд нийт 390 худалдаа, үйлчилгээний цэг, 150 орчим уяачийн гал байршуулсан. Соёолон насны морины уралдааныг үзэхээр 30.000 орчим иргэн цуглардаг гэсэн мэдээлэлтэй байна” гэлээ.