мэдээ
Хүчтэй хар шуурга “Тайфү 5” зүүн хойд бүс нутгийг дайрна DNN.mn

Админ
2024 оны 8 сарын 12

192

Халуун орны хар шуурга Тайфү 5 /Мария/ ойрын хэдэн цагт Японы зүүн хойд бүс нутгийг /Тохоку/ дайрах төлөвтэй байна. Үүний улмаас даваа гарагийн өглөөнөөс эхлэн Иватэ, Мияги, Аомори мужуудад ялангуяа Номхон далай дагасан бүс нутгуудаар ширүүн бороо орж болзошгүйг Цаг агаарын албанаас анхааруулж байна.
Даваа гарагийн шөнөөс өглөөний 6 цаг хүртэл Иватэ мужийн Күжи хотод 357.5 мм бороо орсон нь Цаг уурын байгууллагын статистик мэдээлэл авч эхэлснээс хойшхи рекорд үзүүлэлт юм. Ширүүн борооны улмаас Иватэ мужид хөрсний гулгалт үүсэх өндөр эрсдэлтэй байгаа тул “хөрс гулгалтын аюулаас сэрэмжил” гэсэн анхааруулга гарчээ. Тайфү салхи Мияги мужийн далай дээгүүр баруун тийш нүүж байснаа эх газрыг нэвт дайрч гарна гэж цаг уурын албанаас үзэж байна.
Японы хойд хэсгээр даваа гарагаас эхлэн аадар бороо орж, мягмар гарагт хүчтэй аянга цахилгаантай бороо орох төлөвтэй байна. Бороо мягмар гарагийн өглөө хүртэл 300 мм, дараагийн 24 цагт нэмж 150 мм орохоор байгаа нь 8 дугаар сарын турш ордог хур тунадастай дүйж байна.
Өнгөрсөн сард дээд амжилт тогтоосон хур тунадастай байсан Япон Тэнгисийн эрэг дагасан Тохоку бүс нутагт дахин удаан хугацаагаар ширүүн бороо үргэлжлэн орох төлөвтэй байна. Хоккайдод мөн ширүүн бороо орж, Японы хойд нутгаар хүчтэй салхи шуургатай байна. Даваа гарагт Тохокуд цагт 90 километр, Хоккайдод цагт 65 километрт хүрсэн хүчтэй хар салхи болж, Тохокуд зарим үед цагт 126 км, Хоккайдод цагт 90 км хүрч болзошгүй.
Далайн давалгаа Тохоку бүсийн эрэг дагуу 7 м, Хоккайдогийн эрэг дагуу 6 м-т хүрэх магадлалтай. Цаг агаарын албанаас хөрсний гулгалт үүсэх, нам дор газар руу үер буух, гол мөрөн эргээсээ халих аюултай байгааг анхааруулж байна. Мөн иргэдийг хүчтэй салхи, хүчтэй давалгаа, аянга цахилгаан, хуй салхинаас сэрэмжтэй байхыг уриалжээ.
Цаг уурын албанаас иргэдэд хандан “Бат бөх байшин барилгад хоргодож, ширүүн борооны эсрэг аюулгүй байдлын зохих арга хэмжээг авах, шуурганы замд өртөх нутгуудад ч бороо, салхи гэнэт ширүүсэх магадлалтайг анхаарах, үер болж байх үед нүүн шилжих нь аюултай бөгөөд олон хүн ингэснээс болж нас бардгийг анхаарах, хадан цохио, хавцалаас хол байж, аюулгүй байдлаа хангах”-ийг зөвлөжээ.
Эх сурвалж: https://tokyo.embassy.mn/





Б.Түвшинтөгс: Амиа хорлосон багшийн цалинг хуурамч дипломтой эсэхээс үл хамааран ажил үүргээ гүйцэтгэснийг нь үнэлж олгосон
Саяхан Хөвсгөл аймгийн Арбулаг сумын сургуулийн математикийн багш хуурамч диплом ашигласан хэрэгт буруутгагдаж, 126 сая төгрөгийг ул...
8 цагийн дараа
Үндэсний хувцсаар гоёсон 7000 гаруй хүн баярын жагсаалд оролцлоо
Үндэсний их баяр наадмын хүрээнд “Үндэсний хувцасны өдөр”-ийг тохиолдуулан “Дээлтэй Монгол” наадмыг өнөөдөр төв талбайд зохион байгу...
8 цагийн дараа
Д.Бямбацогт: Ерөнхийлөгч шагнал гардуулахдаа “Чамаар ард түмэн их бахархаж байна. Илүү сайн уран бүтээл хийгээрэй” гэсэн
Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээнмандуулсны 114, Ардын хувьсгалын 104 ж...
7 цагийн дараа
Трамп 14 улсын тарифыг наймдугаар сар хүртэл хойшлуулав
АНУ-ын ерөнхийлөгч Д.Трамп 14 улсын импортод ногдуулахаар болоод байсан өндөр хувьтай тарифыг 8-р сар хүртэл хойшлуулах шийдвэр гарг...
7 цагийн дараа
Нийслэлийн хэмжээнд 10 байршилд шугам сүлжээний ажил гүйцэтгэж байна
Улаанбаатар хотын хэмжээнд өнөөдрийн байдлаар 10 байршилд шугам сүлжээний ажил гүйцэтгэж байгаа бол 3 байршилд шугам сүлжээний ажил ...
7 цагийн дараа
Сэтгэгдлүүд