Нийслэлд энэ сарын 12-13-нд шилжих шөнө орсон бага хэмжээний цасыг “Хот тохижилтын газар” ОНӨААТҮГ болон дүүргүүдийн тохижилт, үйлчилгээний 35 байгууллагынхан цэвэрлэжээ. Цас, мөс цэвэрлэх ажилд 1200 орчим хүн оролцож, тусгай зориулалтын 120 гаруй техник хэрэгслээр хотын гол болон туслах, алслагдсан замуудад халтиргаа гулгаа үүсэхээс сэргийлсэн байна. Ингэхдээ 37 тн бодис, 48 тн давс зарцуулаад буйг нийслэлийн Захирагчийн ажлын албанаас мэдээллээ. Цэвэрлэгээний ажил цаашид хуваарийн дагуу үргэлжлэх бөгөөд нийслэлд өнөөдөр ч бага хэмжээний цас хялмаалах тул албан байгууллага, аж ахуйн нэгжүүдийг халтиргаа гулгаанаас сэргийлж, ойр орчмынхоо 50 метр доторх зам, талбайг цэвэрлэхийг үүрэг болголоо. Хэрэв таны байнга зорчдог зам, талбай халтиргаа гулгаатай хэвээр байвал 11-310005 утсаар мэдээлэл өгч, хамтран ажиллахыг Захирагчийн ажлын албанаас уриалав.
Эхс сурвалж: unuudur.mn
0
0
0
0
0
