Сэргийлж болох өвчлөлд том нөлөөлөл үзүүлдэг тамхинаас шалтгаалсан өвчлөл нэмэгдэж жилдээ 4,300 орчим хүн эндэж, нийт нас баралтын 17% эзэлж байна.

Тамхины хяналтын тухай хууль батлагдаж, тамхины эсрэг эрүүл мэндийн боловсрол олгох олон олон арга хэмжээнүүд явуулдаг хэдий ч 2005 оноос хойш хийгдсэн халдварт бус өвчний эрсдэлт хүчин зүйлийн СТЕПС судалгааны 4 удаагийн үр дүн, “Эрүүл монгол хүн” үндэсний хөдөлгөөний хүрээнд хийгдсэн “Өсвөр үе, залуу иргэдийн тамхины хэрэглээ, төрлүүд, никотин хамааралт байдал, нөлөөлж буй сэтгэц, нийгмийн зарим үзэгдлүүд” судалгаанаас харахад хүн амын дунд тамхи таталт 3 хүн тутмын 1 нь болж нэмэгдсэн, өдөрт татдаг тамхины тоо ширхэг буураагүй байгаа нь бидний хийж хэрэгжүүлж байгаа интервенцүүд зорьсон үр дүнд хүрэхгүй байгааг илэрхийлж байна.

Өнөөдөр /2025.01.27/ “Тамхины хяналтын тухай хуулийн хэрэгжилт, тулгамдаж буй асуудал” сэдэвт хэлэлцүүлэг зөвлөгөөн болж буй бөгөөд дараах сэдвүүдээр хэлэлцүүлэг хийгдэж байна.

• Тамхины хяналтын суурь конвенцын хэрэгжилт дэлхий дахинд-амлалт ажил хэрэг болох нь
• Монгол Улсын тамхины хяналтын талаар гаргасан ахиц дэвшил, тулгамдаж буй асуудлууд түүнийг шийдвэрлэх нь
• Хүүхдүүд хойч үедээ тамхигүй ирээдүйг бий болгох нь
• Дэлхийн улс орнуудын тамхины татварыг нэмэгдүүлэх үнийн бодлогын эрүүл мэнд, эдийн засагт үзүүлэх ашиг тус
• Ерөнхий боловсролын сургуулийн сурагчдын тамхины хэрэглээ, хяналт
• Тамхины хяналтын үр дүнтэй хөтөлбөр, арга хэмжээний талаар судалгаа, нотолгоо гэсэн илтгэлүүдийг хэлэлцэнэ.