УИХ-ын сонгуулийн дараа МАН олонх болж, АН хүчтэй сөрөг хүчний байр сууриа эргэн авсан. Хэрэв МАН дангаараа Засгийн газар байгуулсан бол хүчтэй сөрөг хүчний хараа хяналтан дор ажлаа явуулахаар байлаа. Эвгүйтвэл огцруулах хэм-
жээнд асуудал яригдана гэсэн үг. Эцсийн үр дүндээ энэ дөрвөн жилд ажил хийх, том төслүүдээ хөдөлгөх гэхээс илүү яаж Засгийн газраа бүтэн байлгах вэ гэдэг дээр эрх баригчид анхаарах байсан нь үнэн. Үүнээс харвал засагт хамтарсан нь болжээ. Хамтарсны хүчинд 14 мега төслөө зарлалаа. Хил холболтын төмөр зам, Үндэсний баялгийн сан, газрын тосны үйлдвэр, Эрдэнэбүрэнгийн УЦС, ураны төсөл гээд мега төслүүд, бодлогын том өөрчлөлтүүд гацаанаасаа гарч, эхнээсээ хэрэгжээд явж байна. Үнэндээ улстөржиж, сандал суудлын хэрүүл хийж дөрвөн жилийг өнгөрөөж байхаар эдийн засагт нэмэртэй төслүүдээ хөдөлгөөд авсан нь эцсийн дүндээ ард түмэнд л ашигтай. Өнгөрсөн гучин жил хэрэлдэж, уралдаж, сандал суудлын хэрүүл хийсээр Монгол Улс Засагт хамтарсан нь зөв болжээхөгжсөн нь үгүй. Харин одоо улс төрийн намууд засагт хамтарснаараа ёстой хөгжлийн гараанаасаа бодитой хөдлөх шиг болж байна. Цаашид олон аж-
лууд явах боломж нь нээлттэй байгаа. Хил холболтын төмөр замын ажил эхэлснээрээ бусад бүх боомтуудын холболт дагаад хийгдэнэ гэсэн үг. Эрдэнэбүрэнгийн УЦС-ын ажил одоо эхэлж байна. Цаашдаа Эгийн гол болон бусад сэргээгдэх эрчим хүчний томоохон төслүүд хөдлөх боломж нь нээгдлээ. Ингэснээр Монгол Улс эрчим хүчний хараат байдлаасаа гараад зогсохгүй цахилгаан экспортолдог улс болно гэдэг мөрөөдөл бодитой биелэх боломж гарч байна. Цаашдаа босоо тэнхлэгийн төмөр замаа барих хэрэгтэй. Тавантолгойн дулааны цахилгаан станцаа босгох, зэс, ган боловсруулах үйлдвэрүүдээ
барих шаардлагатай. Эхнээсээ хэрэгжих боломжоо улс төрийн түвшинд болоод эдийн засгийн агуулгаар нээчихсэн учраас дээрх том төслүүд хамтарсан Засгийн газар байгаа л бол хэрэгжих нь тодорхой байна. Үүнд ард түмэн эргэлзэхгүй байгаа шүү. Нөгөөтэйгүүр хамтарсан Засгийн газар иргэдийн амьжиргаа, амьдралд шууд нөлөөлдөг эдийн засгийн боомио тайлах хэрэгтэй. Тухайлбал, ам.долларын ханшаа буулга, татвараа багасага, НӨАТ-ын буцаан олголтыг 100 хувь болго. Тэртэй тэргүй та бүхний зарласан мега төслүүд хөдлөөд эхэлчихлээ. Хүссэн хүсээгүй эдийн засаг өснө. Валютын урсгал дотооддоо үлдэнэ. Ам.доллар их хэм-
жээгээр орж ирнэ. Тиймээс ам.долларын ханш буурах боломж бүрэн байна. Эдгээр асуудлууд эс хүссэн ч шийдэгдэх замдаа орсон. Тиймээс одоо иргэд, аж ахуйн нэгжүүдэд бизнес хийх боломжийг нь бүрэн нээж татваруудаа эрс багасгах ажил үлдэж байна. Засагт хамтарсных татвар багасгах ажлаа нэн яаралтай зохицуулчих хэрэгтэй. Иргэд татварыг нэг хувь болгохыг бүрэн дэмжлээ. Одоо УИХ, хамтарсан Засгийн газар татвар бууруулах асуудлаа шуурхай бөгөөд бодитой хийх ёстой. Ингэж л засагт хамтарсныхаа олон давуу талыг ард түмэндээ түргэн шуурхай таниулах хэрэгтэй байна.
Э.МӨНХТҮВШИН