2025 оны “Монгол хэл, бичгийн шалгалт”-ын шалгуулагчид “eyesh.eec.mn” хаягаар өөрийн бүртгэлийн дугаар, нууц үгээ ашиглан нэвтрэн орж суудлын хувиараа хэвлэж авахыг БҮТ-өөс мэдээллээ.

2025 оны элсэлтийн шалгалтын Монгол хэл, бичгийн шалгалтыг дөрөвдүгээр сарын 17-19-нд зохион байгуулна.

2014 оноос эхлэн Засгийн Газрын тогтоолын дагуу элсэлтийн ерөнхий шалгалтад хамрагдах шалгуулагчдаас Монгол хэл бичгийн шалгалт авах болсон. “Эх хэлний боловсролын чанар, хэрэглээ, иргэдийн харилцааны соёлын түвшнийг дээшлүүлэх, эх хэлний дархлааг сайжруулах” зорилготой юм.

Энэхүү шалгалтаар уншиж ойлгох чадвар, зөв бичих дүрмийн хэрэглээний чадвар, үндэсний бичгээр унших чадвар, эх зохион найруулах буюу илэрхийлэх чадварыг сорьсон задгай хэлбэрийн даалгавраар шалгуулагчийн бодит чадварыг үнэлдэг.

1