БНСУ-д зорчих, виз мэдүүлэхэд монгол иргэдэд тулгарч асуудалд анхаарч, хамтран ажиллахаа илэрхийллээ

мэдээ

БНСУ-д зорчих, виз мэдүүлэхэд монгол иргэдэд тулгарч асуудалд анхаарч, хамтран ажиллахаа илэрхийллээ

Админ

2025 оны 4 сарын 22

Гадаад харилцааны сайд Б.Батцэцэг 2025 оны 4 дүгээр сарын 22-ны өдөр Бүгд Найрамдах Солонгос Улсаас Монгол Улсад суугаа Онц бөгөөд Бүрэн эрхт Элчин сайд Чой Жин Вон-ыг ГХЯ-нд хүлээн авч уулзав.

May be an image of 2 people and text

Сайд Б.Батцэцэг Монгол Улсын иргэдийн БНСУ-д зорчих нөхцөл болон тус улсын виз мэдүүлэхтэй холбоотойгоор солонгосын талд өмнө удаа дараа тавьж ирсэн боловч шийдвэрлэгдээгүй дараах асуудлуудыг хөндөж тавив. Үүнд:

• БНСУ-д зорчих хүчин төгөлдөр визтэй Монгол Улсын иргэдийг тус улсын хилийн шалган нэвтрүүлэх албаны ажилтнууд хүндэтгэн үзэх шалтгаангүйгээр саатуулах, гар утас болон бусад эд зүйлсийг хураан авч хувийн мэдээлэлд халдах, улмаар албадан буцааж байгааг зогсоох;

• БНСУ-ын ЭСЯ-нд виз мэдүүлээд татгалзсан хариу авсан иргэд 6 сарын хугацаанд виз мэдүүлэх боломжгүй байгааг цуцлах;

• Монгол Улсын иргэд БНСУ-ын ЭСЯ-нд виз мэдүүлээд хариу авах хүртэлх хугацаанд өөрийн гадаад паспортыг буцаан авах боломжгүй байгаа нь иргэдийн чөлөөтэй зорчих эрхийг хязгаарлаж байгаа тул визийн хүсэлтийг шийдвэрлэх хугацаанд гадаад паспортыг эх хувиар нь авах бус, харин гадаад паспортын нотариатаар баталгаажуулсан хуулбар, эсхүл төрийн цахим үйлчилгээний нэгдсэн портал (Е-Mongolia)-аас олгодог гадаад паспортын лавлагааг материалд нь хавсаргах асуудлыг судалж үзэх;

• БНСУ-ын виз мэдүүлгийн үйл ажиллагааг цахим хэлбэрт шилжүүлэх, Монгол Улсын иргэдэд визийг цахимаар олгох талаар судалж үзэх;

• Монгол Улсад аялал жуулчлалын зорилгоор ирэх БНСУ-ын иргэдийг 2025 оныг дуустал 30 хүртэл хоногийн хугацаанд визгүй зорчуулах шийдвэрийг Монгол Улсын Засгийн газар гаргасан. Үүнтэй холбогдуулан харилцан адил байх зарчмын хүрээнд эхний ээлжинд эмчилгээний зорилгоор БНСУ-д зорчих иргэд болон тэдний асран хамгаалагчийг 30 хүртэл хоногийн хугацаанд визийн шаардлагаас чөлөөлөх, Монгол Улсын шилдэг аж ахуйн нэгжүүдийн холбогдох албан тушаалтнуудад олгох олон удаагийн визийн олголтыг нэмэгдүүлэх асуудлыг судалж үзэх зэрэг болно.

Монгол Улс, БНСУ-ын харилцаа, хамтын ажиллагаа “Стратегийн түншлэл”-ийн түвшинд гүнзгийрэн хөгжихөд хоёр улсын иргэдийн найрсаг харилцаа, иргэдийн солилцоо чухал үүрэг гүйцэтгэдэг болохыг Гадаад харилцааны сайд Б.Батцэцэг онцлоод ноот бичгээр албан ёсоор хүсэлт болгож байгаа дээрх асуудлыг солонгосын тал нухацтай судлан үзэж, шийдвэр гаргана гэдэгт итгэж байгаагаа илэрхийлэв.

Элчин сайд Чой Жин Вон БНСУ-д зорчих, виз мэдүүлэхэд монгол иргэдэд тулгарч буй хүндрэл бэрхшээлийг сайн ойлгож, үүнд анхаарч буйгаа илэрхийлээд дээрх тодорхой асуудлуудын мөрөөр судалж, монголын талтай үргэлжлүүлэн зөвшилцөж, хамтран ажиллана гэв.

Төв болон Сэлэнгэ аймагт хээрийн түймэр гарчээ

Төв аймгийн Эрдэнэ сумын Чулуут багийн “Бургастай” гэдэг газар ой, хээрийн түймэр гарчээ. Энэ тухай дуудлагыг дөрөвдүгээ...

5 цагийн өмнө

Таван богдын хажуу талын цайны газарт гарсан галыг бүрэн унтраажээ

ХУД-ийн 5-р хороо Таван богдын хажууд цайны газарт гал гарсан дуудлага өнөөдөр 15:23 цагт Онцгой байдлын байгуулагад ирсэн байна. Ду...

6 цагийн өмнө

БНСУ-д зорчих, виз мэдүүлэхэд монгол иргэдэд тулгарч асуудалд анхаарч, хамтран ажиллахаа илэрхийллээ

Гадаад харилцааны сайд Б.Батцэцэг 2025 оны 4 дүгээр сарын 22-ны өдөр Бүгд Найрамдах Солонгос Улсаас Монгол Улсад суугаа Онц бөгөөд Б...

6 цагийн өмнө

Нийтлэлч А.Баатархуяг: Үйлдвэрүүд хулгайгаар ч хамаагүй махаа экспортлоход бэлэн байна

Засгийн газрын шийдвэрээр зургаадугаар сарын 1 хүртэл махны экспортод квот тогтоосон талаар нийтлэлч А.Баатархуягтай ярилцлаа. -Та м...

7 цагийн өмнө

Эрүүл мэндийн даатгалын үндэсний зөвлөлийн гишүүнд нэр дэвшигчийн сонсгол боллоо

Улсын Их Хурлын Нийгмийн бодлогын байнгын хорооноос өнөөдөр (2025.04.22) Эрүүл мэндийн даатгалын үндэсний зөвлөл (ЭМДҮЗ)-ийн даатгуу...

7 цагийн өмнө

Сэтгэгдлүүд

Онцлох нийтлэлүүд

Дэлгэрэнгүй

Нийтлэлч А.Баатархуяг: Үйлдвэрүүд хулгайгаар ч хамаагүй махаа экспортлоход бэлэн байна

Дэлгэрэнгүй

Судлаач Г.Уянга: “Роснефть”-тэй хамтарч онгоцны буудлаа оросуудад атгуулбал Монгол Улс НҮБ-ын бүх хоригт давхар орно

Дэлгэрэнгүй

Н.Эрдэнэхүү: Төр өөрөө чухал шаардлагатай эмүүдээ чанар, брэндээр нь ангилаад бүртгэх хэрэгтэй

Дэлгэрэнгүй

Монголын элгэнд суусан сэвийг хөндөх биш, сэндийчиж байна