ХҮН намын Удирдах зөвлөл өчигдөр орой хуралдсан байна. Учир нь Ерөнхий сайд Г.Занданшатар Засгийн газарт хамтрах асуудлаар зөвшилцөх саналаа ХҮН намд албан бичгээр хүргүүлжээ. Энэ талаар ХҮН намын Ерөнхий нарийн бичгийн дарга, УИХ-ын гишүүн П.Ганзориг гишүүнээс тодруулахад “Намын Удирдах зөвлөл өнөөдөр (өчигдөр) хуралдлаа. Тус хурлаар намын Төлөөлөх зөвлөлийн хурлыг товыг баталлаа. Төлөөлөх зөвлөл маргааш (өнөөдөр) хуралдахаар болсон. Манай намын Төлөөлөх зөвлөлд 100 орчим хүн байдаг. Олонхын саналаар Засагт хамтрах эсэх асуудал шийдэгдэнэ” гэсэн юм.

Ноднин жил мөн ХҮН намд Засгийн газарт хамтарч ажиллах санал ирэхэд тус намын Төлөөллийн зөвлөлийн олонх дэмжсэн учраас засагт хамтарч байсан юм.

 

Т.ХӨВСГӨЛ