Улаанбурхан өвчнөөс сэргийлэх хамгийн найдвартай арга нь дархлаажуулалтын вакцин. Иймд иргэдийн цагийг хэмнэж, эрүүл мэндийн үйлчилгээг шуурхай хүргэх зорилготой өрхийн эрүүл мэндийн төвүүд 22:00 цаг хүртэл вакцинжуулалт, хариу арга хэмжээ, зөвлөгөө өгч байгаа аж. Мөн Халдварт өвчин судлалын үндэсний төвд 24:00 цагийн дархлаажуулалтын цэг ажиллаж байгааг тус төвөөс мэдээллээ. Ингэхдээ иргэдийг заавал ХӨСҮТ рүү түгжирч цаг алдаж оочирт дарагдаж бухимдахаасаа өмнө сэжигтэй тохиолдол илэрвэл НЭМҮТ-ийн лавлах 119, ХӨСҮТ-ийн лавлах 722244 дугаараар тодруулга авах, өрхийн эрүүл мэндийн төвдөө хандахыг зөвлөлөө.

Улаанбурхан өвчин нь халдварлах магадлал нь өндөр учир оффис, танхим сурч, ажилладаг, нэг орон сууц, гэрт амьдардаг иргэдийг бие дээр нь тууралт гарч байна уу гэдгээ ажиглах, сэжигтэй тохиолдол байвал дээрх утсаар тодруулга, залруулга авахыг сануулав.