Монгол Улсын урт, дунд хугацааны бодлогын баримт бичиг, Засгийн газрын 2024-2028 оны үйл ажиллагааны хөтөлбөрт туссан төрийн үйлчилгээний шат дамжлагыг цөөн үе шаттай байхаар дахин инженерчлэл хийж, хурд, бүтээмжийг дээшлүүлж, төрийн үйлчилгээг иргэдэд шуурхай, чирэгдэлгүй хүргэх зорилтын хүрээнд Засгийн газрын Хяналт хэрэгжүүлэх газартай хамтран энэ оны дөрөвдүгээр сарын 25-наас эхлэн Процессын дахин инженерчлэлийг эхлүүлж, төрийн тусгай байгууллагын хувьд түүчээлж эхлээд байна.

Цагдаа, дотоодын цэргийн байгууллага чиг үүргийн давхардлыг арилгах, алба хаагчдын ажлын ачааллыг тэнцвэржүүлэх, иргэдэд үзүүлэх үйлчилгээний чанар хүртээмжийг дээшлүүлж, ажлын бүтээмжийг нэмэгдүүлэх зорилгоор “Хуулийн шинжилгээ”, “Чиг үүргийн шинжилгээ”, “Эрсдэлийн шинжилгээ”, “Судалгаа (оролцогч талуудын сэтгэл ханамж, төрийн албан хаагч)”, “Системийн шинжилгээ”, “Ажлын байрны зураг авалт”, “Процессын зураг”, “Санхүү, төсвийн шинжилгээ, олон улсын төсөл хөтөлбөр” багууд ажиллаж, энэ оны III улиралд багтаан дуусгахаар төлөвлөн ажиллаж байгаа аж.

 

Б.СОЛОНГО