Монголын хамгийн нэр хүндтэй уламжлалт хэвлэл болох “Өдрийн сонин”-д шинэ салхийг авчрах залуу удирдагч ажилдаа орлоо.

“Өдрийн сонин”-ы Ерөнхий эрхлэгчийн тушаалаар М.Мядагбадам энэхүү сонины Цахим багийн захирлаар томилогдсон нь хэвлэлийн салбарын ирээдүйд томоохон өөрчлөлтийн дохио болж байна.

Тэрбээр АНУ-ын University of California, Davis (Калифорнийн Их Сургууль, Дэвис кампус)-ыг Харилцаа, медиа чиглэлээр бакалаврын зэрэгтэй, мөн Францын IAE Paris Sorbonne (Парисын Сорбоннын Их Сургууль дахь Бизнесийн сургууль)-д Гүйцэтгэх удирдлагын олон улсын бизнесийн мэргэжлээр магистрын зэрэгтэй төгссөн.

Мөн тэрээр Монголын хэвлэл мэдээллийн салбарт “Тэнгэр” ТВ-д дижитал зохицуулагчаар, Европын нэр хүндтэй медиа байгууллага болох Brut France-д дижитал сэтгүүлчээр ажиллаж байсан туршлагатай.

Олон улсын өндөр боловсрол, бодит туршлагыг нэгтгэсэн М.Мядагбадам одоо Монголын уламжлалт сониныг дижитал эрин үе рүү бүрэн шилжүүлэх, шинэчлэлийн давлагааг удирдах зорилготой ажилдаа орж байна.