Японы Токио хотод болж буй даамын Ази тивийн багийн аварга шалгаруулах тэмцээний блиц буюу түргэн тоглолтод Монголын баг мөнгөн медаль хүртлээ.

Манай баг Тайвань, Макао, Хонгконг, Японы I болон II шигшээ багийг хожин аваргын төлөөх тоглолтод БНХАУ-д багт ялагдлаа. Энэ ангилалд Хонгконгийн баг хүрэл медаль хүртжээ.

Энэ удаагийн Ази тивийн багийн аварга шалгаруулах тэмцээнд эх орноо төлөөлөн “Ирээдүй”, “Алтан хүү” клуб болон Архангай аймгийн төлөөлөл багтлаа.

1-р ширээ – ОУИМ Ц.Сүхбат (БГД, “Ирээдүй” даамын академи)

2-р ширээ – ДДХМ Э.Даариймаа (СБД, “Алтан хүү” клуб)

3-р ширээ – Спортын мастер Н.Хангай (БГД, “Ирээдүй” даамын академи)

4-р ширээ – Спортын мастер Б.Эрмүүнзаяа (Архангай аймаг, “Даам Месси” клуб)