“Шатахуун хомсдоно” гэх яриа нийгэмд үүсээд байгаа. Хэд хоногийн өмнөөс нийслэлийн зарим ШТС “АИ-92 бензин дууссан” гэсэн бичиг нааж эхэлсэн. Үүссэн нөхцөл байдлын талаар Аж үйлдвэр, эрдэс баялгийн сайд Г.Дамдинням “Монгол Улсын хэмжээнд бензин шатахуун, түлшний нөөц хэвийн байна. Харин баруун аймагт асуудал үүссэн. “Газпром нефть” гэдэг компани баруун аймагт нийлүүлдэг. Тухайн компаниас дундын нийлүүлэгч компаниуд авч нийлүүлдэг. ОХУ-ын Засгийн газрын гаргасан шийдвэрээр тухайн нийлүүлэгч, жижиг компаниудад нийлүүлэлт хийхгүй байгаа. Энэ асуудлыг ОХУ-аас тодруулсан. Үүнд арваннэгдүгээр сараас нийлүүлнэ гэж мэдээлсэн. Өнөөдрийн байдлаар бид баруун аймгууд руу Улаанбаатар хотоос хангаад явж байна” хэмээн мэдээлэв.

---

Дорноговь аймаг: Өнөөдрөөс (өчигдөр)-өөс АИ-92 тасалдаж эхэлсэн. Өдөрт дөрвөн тонн орчмыг түгээж байна. Хязгаарлалттай байгаа. Харин түлш дууссан.

Баянхонгор аймаг: Бензин түгээлт хэвийн байгаа. Гэхдээ нөөц бага гэсэн мэдээлэл байна.

Хөвсгөл, Увс аймаг: Бензин түгээлт хэвийн.

Дундговь аймаг: Уржигдраас бензин тасалдаж эхэлсэн. Одоогоор АИ-92 өдөрт 2-3 тонныг түгээж байна. Ер нь хязгаарлалттай байна.

Хэнтий аймаг: Бензин хэвийн өгч байгаа.

Дорнод аймаг: Бензин тасарч эхэлсэн. Ирсэн нөөцөөс хамаарч хязгаарлалт өөр өөр байгаа.

Сэлэнгэ аймаг: Бензин тасрах нь ихэссэн. Ер нь өнгөрсөн наймдугаар сараас эхлээд хомсдолтой байна. Одоогоор хязгаарлалт тогтоогоогүй.

Төв аймаг: Бензин нийлүүлэлт, түгээлт хэвийн байна.

Говь-Алтай аймаг: Нийлүүлэлт багассан. Гэхдээ шатахуунаа таслахгүйн тулд ирсэн нөөцдөө тааруулан хязгаарлалт тогтоосон.

Завхан аймаг: Ирсэн нөөцөөсөө хамаараад ШТС-ууд янз бүр олгож байна. Зарим газар бензин олгохгүй, тасалдсан байгаа.

Дархан-Уул аймаг: Бензиний түгээлт, нийлүүлэлт хэвийн байгаа.

 

Г.БАЛГАРМАА