Арабын нэгдсэн Эмират улсын Дубай хотод Азийн залуучуудын V пара наадам болж байна. 35 орны баг тамирчид оролцож буй тус наадамд манай баг тамирчид эхний медалиа авлаа. Өчигдөр болсон пара пауэрлифтингийн эрэгтэйчүүдийн 54 кг-д Д.Жигмэд 148 кг-ыг шахаж аваргын алтан медаль хүртлээ. Тэрээр гавьяат дасгалжуулагч Д.Баттулгын удирдлага дор оролцож, тус наадмын аваргаар шалгарлаа.

Д.Жигмэд 2025 онд 54 кг жинд дэлхийн залуучуудын рекорд тогтоосон юм.

“Дубай 2025” Азийн залуучуудын V наадмыг Узбекистаны баг 19 алт, 13 мөнгө, 8 хүрэл медальтайгаар тэргүүлж байгаа бол Иран 16 алт, Киргизстан 7 алт, Казахстан, Японы баг 6 алтан медальтайгаар эхний тавд бичигдэж байна. Монголын баг нэг алтан медальтайгаар 16-д жагсаж байна. Өнөөдрийн байдлаар 20 орон ямар нэгэн медаль хүртжээ.

Наадмын хаалтын ажиллагаа ирэх ням гарагт болно.