Ерөнхийлөгчийн Тамгын газраас цаг үеийн асуудлаар мэдээлэл өглөө.

Ерөнхийлөгчийн Тамгын газрын дарга Я.Содбаатар” Энэ амралтын өдрүүдээр цахим орчинд программ ашиглан Монгол Улсын Ерөнхийлөгчийг хятад хэлээр мэндчилгээ дэвшүүлсэн мэтээр эвлүүлэг хийсэн бичлэг цацагдлаа. Уг үйлдэл нь Монгол Улсын гадаад харилцаа, үндэсний аюулгүй байдалд заналхийлсэн, ард иргэдийн эв нэгдлийг хаглан бутлах зорилготой харагдаж байна. Иймд уг хуурамч бичлэгийг хийсэн хүмүүсийг олж, тогтоож хуулийн хариуцлага тооцох болсон. Одоогоор хэргийг үйлдсэн гэх хоёр монгол хүн болон холбогдох хүмүүсийг олж тогтоон, шалгалтын ажиллагаа явуулж байна. Монгол Улсын Ерөнхийлөгчийн нэр төр, халдашгүй байдлыг Үндсэн Хуулиар хамгаалдаг тул хууль хүчний байгууллагууд энэ хэргийн мөрөөр ажиллана. Түүнчлэн хэвлэл мэдээллийн хэрэгслүүд мэдээллийг үнэн бодит эсэхийг шалган нийтэлж байхыг хүсэж байна” гэв.