Монгол Улсын Ерөнхийлөгч Ухнаагийн Хүрэлсүх БНТУ-д албан ёсны айлчлал хийж байна.

Энэ хүрээнд БНТУ-ын Батлан хамгаалахын сайд Яшир Гүлэртэй уулзаж хоёр улсын Батлан хамгаалах салбарын хамтын ажиллагааг шинэ шатанд хүргэх олон чухал асуудлаар санал солилцлоо.

БНТУ-ын дэмжлэгтэйгээр Монгол улс Сумны үйлдвэртэй болох ажил шийдэгдсэн. Энэ үйлдвэрийг яаралтай ашиглалтанд оруулахад Яшир Гүлэр сайд онцгой анхаарч, өөрийн биеэр Монгол улсад тус үйлдвэрийн нээлтэнд оролцохоор боллоо

БНТУ бол Дэлхийн нийт дрон үйлдвэрлэлийн 60 хувийг хангадаг төдийгүй том дрон үйлдвэрлэлээрээ дэлхийд тэргүүлдэг. Энэ хүрээнд БНТУ-ын Батлан хамгаалахын яамтай хамтран Монгол Улсад Дроны үйлдвэр байгуулах ТЭЗҮ-г боловсруулахад хамтран ажиллахаар боллоо.

БНТУ-аас Монгол Улсын Зэвсэгт хүчинд үзүүлж байсан “Санхүүгийн туслалцаа дэмжлэг үзүүлэх хөтөлбөр” 2016 онд зогссон. Уг хөтөлбөрийг сэргээхэд анхаарч, хамтран ажиллахаар тохиролцлоо.

БНТУ-д тус улсын засгийн газрын тэтгэлэгээр суралцах цэргийн сонсогч, цэргийн албан хаагч, цэргийн сургуулийн суралцагчдын квотын тоог нэмэгдүүлэхээр боллоо.