Цаг уур орчны шинжилгээний газраас гаргасан урьдчилсан мэдээгээр өнөөдөр баруун аймгуудын нутгийн хойд хэсэг, төвийн аймгуудын ихэнх нутгаар, 17-нд төв болон зүүн аймгуудын нутгийн хойд хэсгээр, 18-нд Хангай, Хөвсгөлийн уулархаг нутаг болон зүүн аймгуудын нутгийн зүүн хэсгээр, 19-нд төв болон говь, зүүн аймгуудын нутгаар түр зуурын бороо орно. Дуу цахилгаантай. Борооны өмнө салхи түр зуур секундэд 18-20 метр хүрч ширүүснэ.

Хугацааны эхээр Алтай, Хангай, Хөвсгөлийн уулархаг нутгаар шөнөдөө 8-13 градус, өдөртөө 19-24 градус, говийн бүс нутгийн өмнөд хэсгээр шөнөдөө 21-26 градус, өдөртөө 35-40 градус, бусад нутгаар шөнөдөө 14-19 градус, өдөртөө 27-32 градус дулаан байна. Хугацааны сүүлчээр ихэнх нутгаар сэрүүснэ. Улаанбаатар хотод 17-нд өдөр 29 градус бага зэргийн бороотой шөнөдөө 19 градус үүлэрхэг, 18-нд өдөртөө 27 градус үүлэрхэг шөнөдөө 15 градус бага зэргийн бороотой, 19-нд өдөртөө 24 градус үүлэрхэг, шөнөдөө 15 градус бага зэргийн бороотой, 20-нд өдөртөө 26 градус үүлэрхэг, шөнөдөө 13 градус үүл багасна.