Эрчим хүчний сайд Б.Чойжилсүрэн Засгийн газрын хуралдаанаас гаргасан шийдвэрийг танилцууллаа.

Тэрбээр “Уул уурхай болон албан байгууллагуудын эрчим хүчний тарифыг нэмэгдсэн хэвээр үлдээхээр болсон. Харин айл өрхүүдийн хөнгөлөлттэй эрчим хүч хэрэглэх тарифад өөрчлөлт оруулах шийдвэр гаргалаа.

Шөнийн 21:00 цагаас өглөөний 06:00 цаг хүртэл 220 вольтын хэлхээгээр холбогдсон айлуудын 700 кВт-аас дээш хэрэглээг 50 хувь бууруулж байсан бол үүнийг 1500 кватт болгож нэмэгдүүлж байна.

380 вольтынн хэлхээгээр холбогдсон айлуудын 1500 кВт хүртэлх хэрэглээг хөнгөлдөг байсан бол үүнийг 3000 кВт болгон нэмэгдүүлнэ. 

Мөн өглөөний 06:00 хүртэлх цагийн хөнгөлтийг 09:00 цаг хүртэл сунгаж байна. Ингэснээр цахилгааны төлбөр 33 хүртэлх хувиар буурна” гэлээ.