ЦЕГ-ын Мэдээлэл, шуурхай удирдлагын төвийн эмэгтэйчүүдийн зөвлөлөөс санаачлан зохион байгуулсан “Нандин мөч” хүндэтгэлийн арга хэмжээнд 45 алба хаагч эрхэм ижий, хайртай гэр бүлийн хамт оролцлоо.

Энэхүү арга хэмжээ нь цагдаа, дотоодын цэргийн байгууллагаас 2025 онд дэвшүүлсэн “Хамтдаа хөгжье” уриалгыг хэрэгжүүлэх “Харилцан хүндэлье” нөлөөллийн аяны хүрээнд алба хаагчдын гэр бүлд эерэг харилцаа хандлага, гэгээлэг дурсамж бий болгох зорилгоор алба хаагчдын ээжүүдийг хүлээн авч, хүндэтгэл үзүүлэх, байгууллагын үйл ажиллагааг сурталчлах зорилготой аж.

Арга хэмжээнд ЦЕГ-ын Дэд дарга, цагдаагийн хурандаа Н.Мөнхзул, ЦЕГ-ын Хүний нөөцийн хэлтсийн дарга, цагдаагийн хурандаа А.Мөнхцэцэг, Мэдээлэл, шуурхай удирдлагын төвийн дарга, цагдаагийн хурандаа П.Энхбаяр болон алба хаагчдын төлөөлөл, гэр бүлийнхэн оролцсон юм.