Нийслэлийн Засаг дарга бөгөөд Улаанбаатар хотын Захирагчийн ивээл дор “Гэгээн муза-18” театрын наадмыг тавдугаар сарын 16-24-нд зохион байгуулах болсонтой холбогдуулан мэдээлэл өгч, нэр дэвшиж буй уран бүтээлчдэд батламж гардууллаа.

Тус наадам 2 шаттай зохион байгуулагдах бөгөөд эхний шатны шалгаруулалт нь энэ сарын 16-22-ны өдрүүдэд нийслэлийн театруудад болох аж. Хамгийн сүүлийн шат буюу улаан хивсний ёслол энэ сарын 24-ний өдөр Корпорейт центрт 17:00 цагт болох аж. Мөн Гэгээн муза наадам 2 тэрбум орчим төгрөгийн төсөвтэй болдог олон улсын хэмжээний том наадам гэдгийг зохион байгуулагчид онцлов.

Наадмын үеэр Дани улсаас ирсэн найруулагч “Физикл буюу биомеханик” сэдэвтэй сургалтыг зохион байгуулах аж.

Энэ жилийн наадмын хувьд Монгол Улсад хүүхдийн байгууллагын 100 жилийн ой тохиож буйтай холбогдуулан шинээр хүүхэлдэйн жүжгийн төрөл нэмэгдсэн аж.