Төр, нийгмийн нэрт зүтгэлтэн Ю.Цэдэнбалын хөшөөнд хүндэтгэл үзүүлж, цэцэг өргөв

мэдээ

Төр, нийгмийн нэрт зүтгэлтэн Ю.Цэдэнбалын хөшөөнд хүндэтгэл үзүүлж, цэцэг өргөв

Админ

2025 оны 9 сарын 17

Төр, нийгмийн нэрт зүтгэлтэн БНМАУ-ын баатар, Хөдөлмөрийн баатар, Маршал Ю.Цэдэнбалын мэндэлсний 109 жилийн ойг тохиолдуулан Маршал Ю.Цэдэнбалын хөшөөнд хүндэтгэл үзүүлж, цэцэг өргөх ёслол өнөөдөр /2025.09.17/ боллоо.

Хүндэтгэлийн арга хэмжээнд Монгол Ардын Намын Ерөнхий Нарийн Бичгийн дарга Я.Содбаатар, Намын байгуулалтын газрын дарга Б.Пүрэвдагва, УИХ-ын гишүүн Б.Заяабал нарын удирдах хүмүүс оролцов.

Мөн намын Хяналтын ерөнхий хороо, намын дэргэдэх Стратеги академи, Хүний эрх дэвшилтэт бодлогын хүрээлэн, Ахмадын холбоо, Залуучуудын холбоо, Эмэгтэйчүүдийн холбоо, Оюутны холбоо болон намын Удирдах зөвлөлийн ажлын албаны төлөөллүүд оролцлоо.

Түүнчлэн Маршал Ю.Цэдэнбалын хөшөөнд цэцэг өргөж, хүндэтгэл үзүүлэх арга хэмжээнд улс төр, нийгмийн зүтгэлтнүүд, эрдэмтэн судлаачид, оюутан залуус, иргэдийн төлөөлөл, ОХУ-аас Монгол Улсад суугаа Онц бөгөөд Бүрэн эрхт Элчин сайд зэрэг өргөн бүрэлдэхүүн оролцов.

Албан ёсны арга хэмжээг нээж Ерөнхий Нарийн Бичгийн дарга Я.Содбаатар үг хэлсэн юм.

Тэрбээр “Энэ түүхэн өдөр бол бид эх орныхоо тусгаар тогтнол, хөгжил дэвшлийн төлөө бүхнээ зориулсан Монгол Ардын намын төдийгүй Монгол Улсын түүхийг бүтээлцсэн эрхэм хүмүүн Цэдэнбал агсны гэгээн дурсгалыг хүндэтгэж ард түмний бахархал, талархлыг илэрхийлдэг өдөр юм. Цэдэнбал дарга нь манай нам болон Монгол Улсыг 40 гаруй жил тэргүүлэхдээ тусгаар тогтнолыг бүрэн бэхжүүлж чадсан төдийгүй орчин үеийн боловсрол, эрүүл мэнд, шинжлэх ухаан, аж үйлдвэр, хөдөө аж ахуйн үндэс суурийг баттай бий болгосон гэж үздэг” хэмээн тодотгов.

“Эрдэм судлалын төв” Ю.Цэдэнбал академийн эрдэмтэн, судлаачдыг төлөөлж Ө.Дорждэрэм түүхэн хүмүүний тухай хэлэхдээ “Монгол орны тусгаар тогтнолыг баталгаажуулж, хилийн ямар нэгэн зөрчилгүй баталгаатай болгож үлдээсэн гавьяатай хүн. Мөн Монгол орныг үйлдвэржүүлж, 600 гаруй үйлдвэртэй, хөдөө аж ахуй, газар тариалантай, хүн ардаа боловсролтой ийм л эх орныг бий болгосон юм. Цаашид Ю.Цэдэнбал агсны үйлсийг улам тодруулан үргэлжлүүлэн судалж, ямар гавьяатай хүн бэ гэдгийг дараагийн үе, залууст, түүхэнд үлдээх нь чухал” гэв.

Энэхүү арга хэмжээнд оролцсон оюутан залуусыг төлөөлж Шихихутаг их сургуулийн оюутан М.Удвал “БНМАУ-ын шинэ үеийн түүх” сэдвээр, СУИС-ийн оюутан Д.Янжинлхам , “Ю.Цэдэнбалын намтар, түүхэн тэмдэглэл” сэдвээр товч илтгэл танилцуулсан юм.

Төр, нийгмийн нэрт зүтгэлтэн БНМАУ-ын баатар, Хөдөлмөрийн баатар, Маршал Ю.Цэдэнбалын мэндэлсний 109 жилийн ойг тохиолдуулан хөшөөнд нь хүндэтгэл үзүүлж, цэцэг өргөх ёслолын үеэр зарим хүнд Ю.Цэдэнбал академийн хүндэт шагналыг гардуулав.

А.Амартүвшин: 2026 онд 50 мянган өрх, 2027 онд 65 мянган өрхийг хийн түлшний хэрэглээнд шилжүүлнэ

Галлагааны улирал эхэлж буйтай холбоотойгоор шахмал түлш, хагас коксон шамхал түлш болон хийн түлш, дулаалгын талаар нийслэлийн Заса...

8 цагийн дараа

АРХИВ: Н.Энхбаяр, Ц.Элбэгдорж нар иргэдтэй нээлттэй ярилцав

“Өдрийн сонин”-ы 2004 оны арванхоёрдугаар сарын 22-ны дугаарт гарсан “Н.Энхбаяр, Ц.Элбэгдорж нар иргэдтэй нээлттэй...

7 цагийн дараа

НӨАТ: 3 супер азтан тодорч 5-30 сая төгрөгийн эзэн боллоо

НӨАТ-ын урамшууллын сугалааны тохирол өнөөдөр /2025.09.17/ явагдаж ибаримт аппликейшн болон Боловсрол суваг телевизээр орон даяар шу...

6 цагийн дараа

Төр, нийгмийн нэрт зүтгэлтэн Ю.Цэдэнбалын хөшөөнд хүндэтгэл үзүүлж, цэцэг өргөв

Төр, нийгмийн нэрт зүтгэлтэн БНМАУ-ын баатар, Хөдөлмөрийн баатар, Маршал Ю.Цэдэнбалын мэндэлсний 109 жилийн ойг тохиолдуулан Маршал ...

6 цагийн дараа

Бөөрөлжүүтийн цахилгаан станцын II блокийг арванхоёрдугаар сарын 5-нд ашиглалтад оруулна

Эрчим хүчний салбар нь аливаа улс орон, хотын хөгжлийн тулгуур болдог. 2023 оны аравдугаар сарын 12-нд нийслэлийн Засаг дарга бөгөөд...

6 цагийн дараа

Сэтгэгдлүүд

Онцлох нийтлэлүүд

Дэлгэрэнгүй

АРХИВ: Н.Энхбаяр, Ц.Элбэгдорж нар иргэдтэй нээлттэй ярилцав

Дэлгэрэнгүй

Ч.Отгочулуу: Хууль хяналтын тогтолцоо дарангуйлагчдын гар хөл хэвээр байна

Дэлгэрэнгүй

Б.Жаргалан: АТГ нь өрсөлдөгчдөө намнах хэрэгсэл болтлоо тогтолцооны гажуудал бий болсныг засах ёстой

Дэлгэрэнгүй

Б.Батхуяг: Хар тамхичин хүнийг шорон, эсвэл үхэл хүлээж байдаг