УИХ-ын дарга Д.Амарбаясгалан, Ерөнхий сайд Г.Занданшатар хоёр дайтаад удаж байгаа билээ. Энэ хоёрын толхилцоон намын даргын зөөлөн суудал булаацалдсанаас эхтэй хэмээн улс төр судлаачид үздэг. Тэгвэл УИХ-ын дарга Д.Амарбаясгалангийн нэр холбогддог “Админерал” гэгчтэй холбоотой хэмээн МАН- ын хэд хэдэн залуучуудыг барьж хорьсон гэсэн мэдээлэл үнэн худал нь мэдэгдэхгүй тарж байна. Бараг зургаа, долоон залуу хоригдож байгаа гэсэн цуурхал түгжээ. Чулуунзагд, Эрдэнэжаргалаас эхлээд цувуулж явуулсаар байгаад ийн тоонд хүрсэн гэсэн сураг байна. Тэднийг хэргийг нь хүлээлгэж УИХ-ын дарга Д.Амарбаясгаланг огцруулах үндэслэл бүхий санал бий болгох гэж байж магадгүй гэж улс төр судлаачид таамагласан. Яагаад гэвэл УИХ-ын даргыг огцруулах хуулийн заалтад, УИХ-ын тухай хуулийн 12 дугаар зүйлд УИХ-ын даргын бүрэн эрхийн хугацаа, түүнийг хугацаанаас нь өмнө чөлөөлөх, огцруулах гэсэн дөрвөн үндэслэл байна. Үүнээс 12.2.3.Улсын Их Хурлын нийт гишүүний олонх Улсын Их Хурлын даргыг огцруулах үндэслэл бүхий санал гаргасныг Улсын Их Хурал хүлээн зөвшөөрсөн, 12.3.Улсын Их Хурлын даргыг чөлөөлөх, огцруулах асуудлыг Төрийн байгуулалтын байнгын хорооны санал, дүгнэлтийг үндэслэн нэгдсэн хуралдаанаар хэлэлцэж, чөлөөлөх, огцруулах асуудлыг ил санал хураалтаар шийдвэрлэнэ. Улсын Их Хурлын даргыг чөлөөлөх, огцруулахыг хуралдаанд оролцсон гишүүдийн олонх дэмжсэн бол энэ тухай тогтоол баталсанд тооцно гэж зааж. Одоохондоо УИХ-ын даргыг огцруулах үндэслэл бүхий санал олдохгүй байгаа бөгөөд эдгээр залуусыг шүүхээр оруулж чадвал нөгөө олдохгүй байгаа “үндэслэл бүхий санал” нь бий болох магадлалтай гэнэ. Зарим батлагдаагүй мэдээллээр бол ирэх лхагва гарагт эхнээс нь шүүхээр оруулна гэцгээж байна. Энэ мэдээлэл үнэн, худал эсэхийг, нээрэн ийм олон залуусыг барьж хорьсон эсэхийг батлах мэдээлэл өгөхгүй байна.

 

Ө.Тулга