Америкийн бизнесмен Илон Маск алдартай онлайн нэвтэрхий толь болох “Википедия”-гийн өөрийн хувилбар “Grokipedia” гэдэг шинэ порталыг энэ сарын 27-ны даваа гарагаас хэрэглэгчдэд нээлттэй болгосон бөгөөд хайлтын талбар болон эх сурвалжийн холбоосууд, нийтлэлүүд зэрэг “Википедия”-тай төстэй загвартай байна. Энхүү шинэ онлайн нэвтэрхий толь нь Хиймэл сэтгэхүй ашиглан өөрийгөө хөгжүүлдэг юм байна. Grokipedia-ийн 0.1 хувилбарт эхний өдөр 885 мянга гаруй нийтлэл багтсан бөгөөд эдгээрийг Маскийн “xAI” компанийн Хиймэл сэтгэхүй (ХС)-ийн тусламжтайгаар бүтээжээ. Илон Маск “Энэхүү 1.0 хувилбар нь одоогийнхоосоо 10 дахин илүү сайн болж хөгжих бөгөөд одоогийнх нь ч гэсэн “Википедия”-гээс илүү” гэж мэдэгджээ. Харин хэрэглэгчид “Grokipedia”-ийн зарим текст өөр нэвтэрхий тольд үндэслэсэн байгаагаас гадна, зарим хэсэг нь үг, үсэггүй хуулсан байгаа аж. Технологийн “The Verge” блогт бичснээр “PlayStation 5” тоглоом, “Apple” компанийн “MacBook Air” зөөврийн компьютер зэрэг сэдвийн нийтлэлүүд “Википедия”-гийн нийтлэлтэй ижил байна. Зарим нийтлэлийн төгсгөлд “Контент Википедия-гаас авч тохируулан ашиглав” гэх тэмдэглэгээ байгаа бөгөөд Википедия-гаас ялгаатай нь Grokipedia нийтлэлийг хэрэглэгч өөрчилж засварлах боломж олгодоггүй юм байна. “Grokipedia”-д уур амьсгалын өөрчлөлт, боолчлол, трансжендер хүмүүсийн тухай зарим нийтлэлд барууны чиглэлийн эсвэл шинжлэх ухааны тогтсон байр суурийг үгүйсгэсэн үзэл санааг дэмжсэн агуулга багтсан байна” гэж шүүмжилжээ. Мөн Германы нэр хүнд бүхий “The Bell” агентлаг “Оросын төрийн болон төрийн дэмжлэгтэй хэвлэлүүд “Крымийн асуудлын талаар “Grokipedia”-ийн нийтлэлд “Оросын цэргийн тусгай ажиллагаа эхлэх түүхэн нөхцөл”-ийг тусгасныг сайшааж байна. Оросын “РИА Новости” хүртэл “Groki­pedia нь өрсөлдөгчөөсөө ялгаатай нь ОХУ-ын Украинд явуулж буй дайныг “түүхэн үндэслэлтэй” гэж тайлбарлаж өгч байна хэмээн магтжээ. Мөн тэдний мэдээллээс үзэхэд Маскийн нэвтэрхий толь дахь нийтлэлүүд Украины эсрэг дайны талаарх ОХУ-ын албан байр суурийг давтсан юм байна” гэж анхааруулжээ.

 

Г.АМАРСАНАА