Халхын голын ялалтын 80 жилийн ойг тэмдэглэх ажлын хүрээнд ОХУ-ын И.Е.Репиний нэрэмжит Урлагийн академи, В.И.Суриковын нэрэмжит Уран зургийн академи, А.Л.Штиглицийн нэрэмжит Үйлдвэр урлалын академийг төгсөгчдийн хамтарсан уран бүтээлийн үзэсгэлэн Монголын уран зургийн галерейд нээгдлээ.

Анх 1952 онд И.Е.Репиний нэрэмжит Урлагийн академид монгол зураач суралцаж төгссөнөөс хойш өнөөг хүртэл зуу гаруй уран бүтээлч, урлаг судлаачид суралцаж төгсжээ. XX зууны дунд үеэсуран зураг, зураасан зураг, уран баримал театр, киноны тайз чимэглэл, урлаг судлал зэрэг дүрслэх урлагийн төрөл бүрт Урлагийн академиудыг төгсөгчдийн бүтээл, туурвил арвин билээ. Тэд манай дүрслэх урлагт гарч ирсэн урлагийн өөрчлөлт, шинэчлэлийн чиглэлийг тавилцаж, урлагийн санг өвөрмөц дорвтитой бүтээлээрэээ хагжүүлж ирсэн. Тэдний бүтээлүүдээс гадаадын дүрслэх урлагийн нэртэй музей, галерейн сан хөмрөгт ч оржээ.

Тус академийг төгсөгчдөөс Монголын дүрслэх урлагийн түүхэнд бүтээлээрээ мөнхөрсөн зураач, уран барималч, эрдэмтэн судлаачид байгаагаас Монгол улсын ардын зураач тав, Төрийн шагналт ес, УГЗ зургаа, Монголын Урчуудын эвлэлийн шагналт 30 орчим, Урлаг судлалын шинжлэх ухааны доктор профессор нэг, Урлаг судлалын ухааны доктор, дэд профессор тав, Соёл судлалын доктор нэг, дэд профессор хоёр байна. Үүнээс гадна төгсөгчдөөс Монголын урчуудын эвлэлийн үе үеийн удирдлагын бүрэлдэхүүн төдийгүй, улс төр, нийгэм соёл урлагийн нэрт зүтгэлтнүүд тодрон гарсан байдаг.

Тус үзэсгэлэнд МУ-ын ардын зураач, Төрийн шагналт, УГЗ Л.Гаваа гуайн “Кино механикч”,МУ-ын Хөдөлмөрийн баатар, ардын зураач, Төрийн шагналт, УГЗ Н.Цүлтэмийн “Талын айл”, МУ-ын ардын зураач, Төрийн шагналт, УГЗ Г.Одонгийн “Ажлын дараа”, Монголын Урчуудын Эвлэлийг шагналт Ё.Өлзийхутагийн “Талын эзэд”, Д.Энхтайвны “Талын кино”, Б.Пүрэвсүхийн “Тэмцлийн замд”, Ж.Мөнхдалайгийн “Хубилай”, “Өгөөдэй” зэрэг зургууд алдартай уран зургууд дэлгэгдлээ.