Монгол хэл бичгийн шалгалт дөрөвдүгээр сарын 6-н буюу энэ долоо хоногийн бямба гаригт 10:00-11:40 цагт зохион байгуулагдана.

Шалгуулагчдыг шалгалт эхлэхээс нэг цагийн өмнө суудлын хуваарийн дагуу шалгалтын байран дээрээ ирсэн байхыг Боловсролын Үнэлгээний Төвөөс санууллаа.

Мөн даалгаврыг хөх болон цэнхэр өнгийн тосон болон үзгэн балаар хийж гүйцэтгэх ёстой гэв.

Бүрдүүлэх материал:

• Иргэний үнэмлэх. Харин иргэний үнэмлэх авах насанд хүрээгүй бол сурч буй сургуулийн захирал эсвэл оршин суугаа орон нутгийн Засаг даргын гарын үсэг, тамгаар баталгаажуулсан лавлагаа төрсний гэрчилгээний хамт
• Бүртгэлийн хуудас
• Суудлын хуваарь
• Өмнөх оны шалгуулагчид дээрх бичиг баримтаас гадна бүрэн дунд боловсролын гэрчилгээ шаардлагатай.

Шалгалтад зориулж Улаанбаатар хотод 20 гаруй байрыг бэлдсэн байна.