Хүүхэд, өсвөр үеийнхэнд үндэсний хөгж­мийг та­ниу­лах, өв соёлоо сурталчлах зорилгоор Хөвс­гөл айм­гийн Хүү­хэд, гэр бүлийн хөгжил, хам­­гааллын газраас “Ая эгш­гийн зургаан жи­гүүр” наадмыг энэ сарын 22-23-нд зохион бай­гуул­­лаа. Хоёр жил тутамд болдог тус наадамд 11 сургуулийн 76 хүүхэд морин хуур, лимбэ, ятга, ёочин, хуу­чир, эвэр бүрээ, шанз хөгжмийн төр­лөөр оролцжээ.
Тэднээс шилдгээр шалгарсан нь улсын аварга шал­гаруулах наадамд өрсөлдөх юм. Хөвсгөл аймгаас мо­рин хуурын төрөлд дунд ангиас Ж.Энх­жаргал, Т.Анир­тун­галаг, Г.Гантулга, ах­лах ангиас Б.Нарансолонго нар тэргүүлэв. Хууч­рын төрөлд бага ангиас Э.Аззаяа, дунд ангиас Т.Үүрийнцолмон шилдгээр шалгарчээ. Ятгын төрөлд дунд ангиас Г.Саяжаргал, ахлах ангиас Т.Нямзаяа, ёочингийн төрөлд бага ангиас А.Бат-Эрдэнэ, дунд ангиас Ч.Амин-Эрдэнэ, ахлах ан­гиас Т.Даваадулам, Т.Энхзаяа нар тэргүүн байр эзэл­сэн байна. Шанз хөгжмийн төрөлд ахлах ан­гиас Б.Дарьсүрэн, лимбэний төрөлд бага ан­гиас Т.Ганди, дунд ангиас А.Эр­дэнэ­билэг нар ул­сын наадамд өрсөлдөх шаард­лага хангаж, шилд­гээр тодорчээ.

Эх сурвалж: Unuudur.mn