Улаанбурхан өвчний батлагдсан тохиолдол долдугаар сарын 12-ны байдлаар нийт батлагдсан тохиолдол 12162 мянгад хүрсэн байна. Халдварт өвчин судлалын үндэсний төвөөс мэдээлснээр, нийт 11432 хүн эдгэрч, 341 иргэн эмнэлэгт хэвтэн эмчлүүлж байгаа бол 382 хүн гэрийн ажиглалтад байгаа. Өвчний улмаас долоон хүн нас баржээ.

Халдвар авсан хүний хавьтагч 90824 байна. Эмнэлэгт хэвтэн эмчлүүлж буй иргэдийн 270 нь дунд, 20 нь хүнд, 51 нь хөнгөн байдалтай байна.

Насны бүлгээр авч үзвэл, хамгийн их өвчлөл 0-4 болон 10-14 насны хүүхдүүдийн дунд бүртгэгдсэн байна. Тодруулбал, 0–4 насны 2571, 5–9 насны 1541, 10–14 насны 4769, 15–19 насны 1570, 20–24 насны 353, 25–29 насны 188, 30–34 насны 290, 35–39 насны 238 байгаа бол 40 ба түүнээс дээш насны нийт 342 хүн өвчилжээ.

ХӨСҮТ-ийн албаныхан улаанбурхнаас сэргийлэх хамгийн үр дүнтэй арга нь вакцинжуулалт болохыг онцолж, иргэдийг хоёр тун вакцинд хамрагдаж, халдвар хамгааллын дэглэмийг сахихыг уриаллаа.