Хөдөө аж ахуйн цаг уурын судалгааны хэлтэс долдугаар сарын 20-ны мэдээллээр царцааны тархалтыг танилцууллаа. Тодруулбал, гурван аймгийн сумуудад царцааны тархалт өндөр гарчээ. Үүнд, Ховдын Чандмань, Манхан, Завханы Цагаанхайрхан, Говь-Алтайн Халиун, Баянхонгорын Гурванбулаг сумдын нутгаар царцааны тархалт хэт олширсон байна. Албаныхны мэдээлснээр, царцааны тархалт, нягтшилыг тус аймаг сумдын 1х1 метр талбайг хамарч үзэхэд ихэнх нутгаар Сибирийн царцаа ажиглагдсан байна.

Тухайлбал, царцаа нь үр тарианы талбайн захаар элбэг тохиолдох бөгөөд буудайн навч, түрүүг мэрж тасдан хооллож, гэмтээдэг. Зарим гандуу жил хэт их олширно. Буудайн талбайн 1м2-д 1-2 царцаа үзэгдэх нь ургацад нөлөөлөх хор хөнөөлийн босгын хэмжээ болдог байна.