Хэнтий аймгийн Дадал сум Онон 1 дүгээр баг “Гачууртын овоо” гэдэг газар өчигдөр буюу тавдугаар сарын 16-нд гарсан хээрийн түймрийг өнөөдөр /2025.05.17/ 01:30 цагт цурманд оруулан, 09:35 цагт бүрэн унтрааж сум,орон нутгийн удирдлагуудад хүлээлгэн өглөө.

Түймрийг унтраах ажиллагаанд Дадал сумын хилийн цэргийн 287 дугаар анги, Хилийн цэргийн хэрийн гол 5 дугаар застав, Балж, Онон багийн иргэд, Онон Балж Байгалийн цогцолбор газар, Дорнод аймгийн Онцгой байдлын газрын Баян-Уул сум дахь 53 дугаар анги, Хэнтий аймгийн Онцгой байдлын газар, Батноров сум дахь 42 дугаар анги, Баян-Адарга сум дахь Эрэн хайх, аврах салбарын 78 хүн, 11 тээврийн хэрэгсэлтэйгээр ажиллалаа.

Түймэрт урьдчилсан байдлаар 500га талбай өртсөн байна