Цэнхэр гаригийн хамгийн өндөр цэгт тооцогдох далайн төвшнөөс дээш 8848 метрийн өндөрт орших Эверест ууланд Монголын уулчин, ОУХМ А.Баттогтох, Б.Батхишиг нар авиралт хийж байна.
Тэд өндрийн кемпүүд байгуулагдаж, олс тавигдах хугацаанд өндрийн бэлтгэлээ базааж байгаа бөгөөд Эверестийн өмнөд хөтөлийн зам (Балба талаас)-аар авирч байгаа юм.
Дэлхийн зулайд өмнө нь манай улсаас гавьяат тамирчин Г.Өсөхбаяр (2005 онд), Б.Гангаамаа (2011 онд), ОУХМ С.Бат-Эрдэнэ (2012 онд), Л.Баярсайхан (2012 онд), гавьяат тамирчин Б.Цэвээндаш (2012 онд), ОУХМ Ц.Цогзолмаа (2012 онд), Ж.Бямбасүрэн (2018 онд), Б.Гантулга (2022 онд), О.Золбоохүү (2023 онд), С.Ганхүү (2023 онд), Ц.Гэрэлт-Од (2023 онд), Ц.Анхбаяр (2023 онд) нар амжилттай авиран эсэн мэнд буусан бол Л.Пүрэвсүрэн, Ц.Өсөхжаргал нар (2024 онд) Эверестийн оргилд гарсан боловч буух замдаа харамсалтай нь нас барсан.
<blockquote class="ql-align-justify">Эверестийн оргилд Монголын уулчин (гавьяат тамирчин Г.Өсөхбаяр) анх мөрөө гарсанаас хойш 20 жил өнгөрсөн ба Эверестийн оргилд мөрөө гаргасан анхны монгол эмэгтэй уулчин нь гавьяат тамирчин Б.Гангаамаа билээ.</blockquote>
Тэгвэл энэ цаг үед ОУХМ Ч.Ариунзул дэлхийн тав дахь ноён оргил Макалу 8485 метр ууланд авирч байгаа бол дэд мастер Ж.Ганбаяр Пакистан улсад орших дэлхийн ес дэх ноён оргил Нанга Парбат 8126 метр ууланд авирахаар бэлтгэлээ базааж байна.
Дэлхийн 8000 метрийн өндөртэй 14 оргилын есөн оргилд нь амжилттай гарсан Монголын анхдагч уулчид:
1.Эверест 8848 метр ууланд МУГТ,ОУХМ Г.Өсөхбаяр
2.К-2 8611 метр ууланд МУГТ, ОУХМ Б.Гангаамаа
3.Канченжунга 8586 метр ууланд ОУХМ Ч.Ариунзул
4.Лхоце 8516 метр ууланд ОУХМ Ж.Бямбасүрэн
5.Макалу 8463 метр ууланд ОУХМ А.Баттогтох
6.Чо-Оюу 8201 метр ОУХМ Л.Баярсайхан
7.Манаслу 8163 метр ууланд Б.Батболд
8.Гашербрум-2 8035 метр ууланд Ц.Алтансүх
9.Шиши Пангама 8027 метр ууланд ОУХМ Ө.Батманлай
&nbsp;
Эх сурвалж: sonin.mn

Эверестэд Монголын хоёр уулчин авирч байна

Ш.Бямбасүрэн: “Хамтрал” нэрийн дор хуйвалдаан, хариуцлагагүй байдлаа нуух ёсгүй

Монгол Улсын Их Хурлын дарга Д.Амарбаясгаланд өнөөдөр (2025.05.09) Улсын Их Хурлын гишүүн Б.Түвшин, О.Номинчимэг, А.Ганбаатар, Ч.Лодойсамбуу, Г.Уянгахишиг, З.Мэндсайхан, П.Ганзориг, Г.Очирбат нар Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төслийг өргөн барилаа.
Иргэн, хуулийн этгээдийн ажил, бизнес, үйл ажиллагаа чөлөөтэй эрхлэх таатай орчныг бүрдүүлэх, ачааллыг бууруулах, ашиг орлого, өрсөлдөх чадвар, ажлын байр нэмэгдүүлэх, далд эдийн засгийг ил болгож, чөлөөт зах зээлийн харилцааг тэлэх, үүний үр дүнд татвар, нийгмийн даатгалын сангийн орлогыг нэмэгдүүлэх хэрэгцээ шаардлагад тулгуурлан Нийгмийн даатгалын ерөнхий хуульд нэмэлт, өөрчлөлт оруулахаар хуулийн төслийг боловсруулсан хэмээн хууль санаачлагч танилцууллаа.
Хуулийн төсөлд:
<ol>
<li style="font-weight: 400;">Монгол Улсын өмчийн бүх хэлбэрийн хуулийн этгээд, хүнтэй Иргэний хуулийн ажил гүйцэтгэх гэрээ, хөлсөөр ажиллах гэрээ болон тэдгээртэй адилтгах гэрээ байгуулах ажил, үйлчилгээ эрхлэх хүнийг нийгмийн даатгалд албан журмаар даатгуулагчаас хасаж, гэрээний орлогыг нийгмийн даатгалын шимтгэл ногдох орлогын бүрэлдэхүүнээс хасах;</li>
<li style="font-weight: 400;">Ажил олгогч ажилтанд олгох хоол, унаа, орон сууцны ашиглалтын төлбөр, түлээ, нүүрс худалдан авахад зориулан мөнгөн хэлбэрээр олгосон хөнгөлөлтийг цалин, түүнтэй адилтгах орлого болон нийгмийн даатгалын шимтгэл ногдох орлогын бүрэлдэхүүнээс хасах;</li>
<li style="font-weight: 400;">Ажил олгогчийн нийгмийн даатгалын шимтгэл төлөх сарын цалин хөлс, түүнтэй адилтгах орлогын дээд хэмжээг ажилтны нэгэн адилаар тухайн үед мөрдөж байгаа сарын хөдөлмөрийн хөлсний доод хэмжээг 10 дахин нэмэгдүүлсэнтэй тэнцүү хэмжээ тогтоохоор тус тус тусгажээ хэмээн Улсын Их хурлын Хэвлэл мэдээллийн газраас мэдээллээ.</li>
</ol>

Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төслийг өргөн мэдүүллээ

Улсын дээд шүүхийн Эрүүгийн хэргийн танхимын нийт шүүгчийн хуралдаанаар Д.Нямхүү, Д.Бархүү нарт холбогдох хэргийг дээд шатны прокурорын бичсэн эсэргүүцлийг үндэслэн 2025 оны 05 дугаар сарын 08-ны өдөр хянан хэлэлцлээ.
Шүүгдэгч Д.Нямхүү, Д.Бархүү нар Эрүүгийн хуулийн тусгай ангийн 22.1 дүгээр зүйлийн 2 дахь хэсэг “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан” гэмт хэрэгт холбогдсон юм.
Танхимын нийт шүүгчийн хуралдаанаар дээд шатны прокурорын бичсэн эсэргүүцэл Эрүүгийн хэрэг хянан шийдвэрлэх тухай хуулийн 40.1 дүгээр зүйлийн 1.1 дэх хэсэг “шүүхийн хууль хэрэглээний зөрүүг арилгах” үндэслэлд хамаарч байх тул энэхүү хэргийг хяналтын шатны шүүх хуралдаанаар хэлэлцүүлэхээр шийдвэрлэлээ.

Д.Нямхүү, Д.Бархүү нарт холбогдох хэргийг хяналтын шатны шүүх хуралдаанаар хэлэлцүүлнэ

Олны танил хүмүүсийн сурталчилчилсан бүтээгдэхүүнийг хүмүүс хэр их худалдаж авдагыг  тодрууллаа.
<hr />
Иргэн Ану: Сошиал медиа дээр дагаж буй хүмүүсийн маань ихэнх нь олны танил хүмүүс байдаг. Сошиал хуудсаа нээгээд л харахад хамгийн эхний постууд тэдний зар сурталчилгаа, реклам байдаг. Тийм ч учраас миний худалдан авах шийдвэрт сурталчилгаа нилээн нөлөөлдөг. Жишээ нь: Олны танил хүмүүсийн сурталчилж байсан бараа бүтээгдэхүүнтэй дэлгүүрт таарах үед, рекламыг нь санаад, сонирхож, худалдан авалт хийдэг. Миний хувьд маш олон удаа сошиалаар сурталчилсан зүйлсийг авч, туршиж хэрэглэж үзэж байсан. Зарим нь үнэхээр сайн байдаг бол зарим нь төсөөлснөөс, тухайн хүний сурталчилснаас тэс өөр, чанаргүй байдаг. Тухайн барааг сурталчилж буй хүний мэдлэг гэхээс илүү хүн чанарыг чухалчилж үздэг. Хэдий мэдлэгтэй байсан ч шуналтай, хүн чанаргүй хүмүүс мөнгөний төлөө юуг ч хийхэд бэлэн байдаг юм шиг санагддаг. 
Иргэн Үүрийнтуяа: Бараа бүтээгдэхүүнээ борлуулахын тулд юу ч хийхээс буцахгүй олны танил хүмүүс их байдаг юм шиг санагддаг. Тиймээс ч тэдгээр сурталчилсан зүйлсийг худалдан авдаггүй, итгэл төрүүлэхүйц санагддаггүй. Тэмү-ээс захиалж байгаа юм шиг санагддаг учраас сурталчилгааг нь хүлээн авахдаа ажил мэргэжлийг илүү чухалчлан авч үздэг. 
Иргэн Учрал: Олны танил хүмүүсийн сурталчилгаа миний худалдан авалтанд нөлөөлдөг ч шууд онлайнаар биш өөрийн биеэр очиж худалдан авалт хийхийг илүүд үздэг. Би ихэвчлэн сошиалаар сурталчилж буй арьс арчилгааны бүтээгдэхүүнүүдийг түлхүү авч хэрэглэж байсан ч чанар, бусад зүйлс нь яг очоод үзэхэд маш өөр байдаг. Миний хувьд хэр нэр хүндтэй олны танил гэдгээс нь шалтгаалан сурталчилж буй барааг сонирхон, туршиж үздэг. 
Иргэн Золзаяа: Олны танил хүмүүсийн сурталчилгааг хоёр талтай гэж боддог. Зарим нь зүгээр л мөнгө аваад сурталчилдаг бол, зарим нь үнэхээр өөрөө хэрэглэж, туршиж үзсэн зүйлсээ сурталчилдаг учраас хүлээн авах нь ч өөр өөр байдаг. Би тэдний сурталчилсан зүйлсийг худалдан авч, хэрэглэж үзээгүй. Гэхдээ үнэхээр өөр дээрээ туршиж, бодит үндэслэлтэй сурталчилсан бүтээгдэхүүнийг л сонгон хэрэглэнэ гэж боддог. Энэ хүн үнэхээр энэ сурталчилж байгаа зүйлээ мэдэх үү, судалсан уу, гэх мэт тэдний мэдлэгт илүү ач холбогдол өгдөг. 
Иргэн Нандиа: Олны танил хүмүүсийн сурталчилгааг хүлээн авахдаа олон нийтийн сэтгэгдэл, өөрт хэр тохирох, хүмүүс хэр их худалдан авалт хийж, сурталчилж буйгаас шалтгаалан худалдан авалт хийдэг. Тренд болж буй бүтээгдэхүүнүүдийг шууд шуураад авах биш, илүү сүүлд, зар сурталчилгаа намжсаны дараа худалдан авдаг. Миний хувьд олны танил хүмүүсийн сурталчилсан зүйлсээс сонирхож, ганц хоёр удаа авч, хэрэглэж байсан ч зарим нь ямар ч үр дүнгүй санагдсан. Сайн чанартайг гэхээс илүү ажлын үнэ хөлсөө чухалчилдаг хүмүүс их байдаг юм билээ. Тэдний мэдлэг, мэргэжил нь үүнд их чухал санагддаг. 
Иргэн Сараа: Олны танил хүмүүс сурталчилж буй зүйлсээ өөрсдөө туршиж, хэрэглэж үзчихээд сурталчилах нь зөв санагддаг. Учир нь чанаргүй, хуурамч зүйл сурталчилах нь өөрт нь итгэж буй олон хүмүүсийг хуурч байна гэсэн үг. Тэдний сурталчилгаа миний худалдан авалтанд нөлөөлдөггүй, учир нь ямар ч зүйл байх юм билээ гээд, сайн итгэдэгггүй. Мөн тэдний мэдлэг, мэргэжлийг илүү чухалчилж дагах, сурталчилсан барааг сонирхох эсэхээ шийддэг.
&nbsp;
М.Сийлэн

Speak out: Бараа бүтээгдэхүүнээ борлуулахын тулд юу ч хийхээс буцахгүй олны танил хүмүүс их байдаг

Жүжигчин Х. Цасчихэр: Миний амьдралын гол жанжин шугам бол гэр бүл

Сүхбаатар дүүргийн 1 дүгээр хороонд төв талбайн урд байрлах хуучин Ленин клубийн барилгыг 1929 онд барьж ашиглалтад оруулсан. Хамгийн сүүлд 2006 онд барилгын доорх газар 10610 ам.метр талбайгаар бүртгэгдэж, 2018 оноос хойш үйл ажиллагаа эрхлэгч, газрыг ашиглагчдад цөөнгүй өөрчлөлт орж эхэлсэн байдаг. Өөрөөр хэлбэл, хуучин Ленин клубийн газар ОХУ-ын өмчийн үл хөдлөх хөрөнгөд бүртгэлтэй байсныг залилж, тухайн газраас хууль бусаар эзэмшсэн байж болзошгүй асуудалд Эрүүгийн хэрэг үүсгэн, хэрэг хянан шийдвэрлэх ажиллагаа явагдаж байна.
Уг асуудалтай холбогдуулан өнөөдөр хуучин Ленин клуб байрлаж байсан объектын залгаа байршилд зөвшөөрөлгүйгээр барилгын каркас угсарч байсан “Оргил МГЛ” ХХК-ийн барилгыг албадан буулгаж, газрыг чөлөөлж байна. НЗДТГ-ын дарга Д.Амгалан болон холбогдох албаныхан байршил дээр нь ажиллалаа. Тодруулбал, “Оргил МГЛ” ХХК-ийн эзэмшилд хууль бусаар орсон 748 ам.метр талбайг чөлөөлөх тухай 3 шатны шүүхийн шийдвэр гарсан бөгөөд тус компанийн барилга барих зөвшөөрлийг хүчингүй болгосон зэрэгт үндэслэн барилгын каркасыг албадан нурааж, газрыг чөлөөлж байгаа юм.
<img decoding="async" src="https://ulaanbaatar.mn/files/mn/images/45kqgxdhyuc/681daeef870dd507f473c28c.jpg" />
2017 онд иргэн Б.Дэлгэрмөрөнгөөс 322 ам.метр газрыг “Оргил МГЛ” ХХК-д газар эзэмших эрх шилжүүлж шийдвэрлэсэн, мөн газрын талбайн хэмжээг нэмэгдүүлсэн зэрэг асуудлыг мөн хууль хяналтын байгууллагаар шалгуулж байна.
<img decoding="async" src="https://ulaanbaatar.mn/files/mn/images/txuz3b4jth/681daf07870dd507f473c28d.jpg" />

Бусдын эзэмшил газарт зөвшөөрөлгүй барьж буй “Оргил МГЛ” ХХК-ийн барилгын каркасыг албадан буулгаж, газрыг чөлөөлж байна

Гандантэгчэнлин хийдийн Тэргүүн их хамба лам, хамба номун хан, лхаарамба Д.Жавзандорж шинээр сонгогдсон Дээрхийн гэгээнтэн Гэгээн ширээт улсын тэргүүн, Католик шашны тэргүүн XIV Лео-д баяр хүргэж, мэндчилгээ илгээжээ.
Мэндчилгээнд,  Монголын Бурханы шашинтны Төв -Гандантэгчэнлин хийд болон хувиасаа Таныг Гэгээн ширээт улсын Тэргүүн, Ромын Католик шашны Тэргүүнээр сонгогдсонд чин сэтгэлийн халуун баяр хүргэн мэндчилж байна.
Гэгээн ширээт улсын зүгээс шашин хоорондын харилцан ойлголцол, ёс суртахууны үнэт зүйлс, хүн төрөлхтний эв нэгдлийг дэмждэгт Бурханы шашны лам хуврагууд бид чин сэтгэлээсээ талархдаг билээ.
Таны үйл хэрэг даян дэлхийг амар амгаланд хөтлөж, хүн төрөлхтөнд асрал энэрлийн сэтгэлийг түгээх болтугай.
Тэргүүн их хамба лам, хамба номун хан, лхаарамба Д.Жавзандорж гэжээ.

Нийтлэлүүд